Jæjæ ætli maður taki ekki bara upp þráðinn og bloggi í Tokyo.
Ferðin gekk vel og ég er komin á hótel númer 2. Tók þvílíkan túrist á þetta og tók lestina frá flugvellinum og niður í bæ. Skv. leiðbeiningum frá hóteli 1 þá á maður að taka lestina á aðallestarstöðina og svo leigubíl þaðan en ég auðvitað þóttist veraldarvanari en það að þurfa einhvern taxa til að lóðsa mig restina af leiðinni þannig að ég skipti úr lest í metro á leiðinni og fór á lestarstöðina sem var þarnæst hótelinu. Rosa fegin að hafa ekki farið á lestarstöðina sem ég ætlaði á fyrst því þá hefði ég þurft að draga töskuna mína upp á fjall til að komast á hótelið. Stóð mig vel í að spyrja til vegar á japönsku, annars hefði ég aldrei fundið þetta. Hótelið var
Traditional Japanese Inn, sem ég mundi segja að væri í klasa svona einhversstaðar á milli hótels og hostels. Engar myndir því miður, gleymdi myndavélarsnúrunni heima ... arggg.
Maður þurfti að fara úr skónum við útidyrnar, þar var búið að merkja mér skóhillu svona eins og í leikskóla og ég fékk inniskó. Maður má labba um allt á inniskónum nema ekki fara á þeim inn í herbergi, skilja þá eftir fram á gangi. Síðan þegar maður fer á klósettið þá þarf maður að skipta úr sínum inniskóm og yfir í pissu inniskó sem voru í alvöru merktir TOILET. Niðrí kjallara var svo sturtuaðstaða og heitur pottur, þar var ætlast til að maður sitja á einhverjum plastkolli á meðan maður sturtar sig, sturtuhausinn náði ca meter upp í loft, kom samt alveg á óvart hvað það var notalegt, fæ mér kannski svoleiðis í sturtuna þegar ég kem heim :).
Hótelið í miðju íbúðarhverfi og ekki mikið um að vera, endaði á að borða mcDonalds í kvöldmatinn í gær :) Lenti í svaka rigningu á leiðinni til baka og sem betur fer var ég með regnhlíf þannig að ég var nokkuð þurr fyrir ofan mitti, buxurnar mínar voru svo blautar upp að hnjám (já ég veit taka minni skref til að vera undir regnhlífinni) að þær eru ekki þornaðar núna 16 tímum seinna.
Síðan var checkout klukkan 10 (check búin að prófa að sofa á gólfinu, farin í western comfort) og ég pakkaði draslinu mínu og hélt niður fjallsbrekkuna í hina lestarstöðina og dröslaði draslinu mínu á hótel 2. Þar var auðvitað ekki checkin fyrr en klukkan 3 svo ég skildi töskuna eftir og fór á röltið. Japanskan mín alveg að gera sig í matarpöntunum og spyrja til vegar. Tók þvílíkan göngutúr hérna í borginni, fann ráðstefnuhöllina án þess að vera með kort (ýmislegt hægt að gera þegar maður hefur 5 tíma til að spenda!!), skoðaði Imerial Palace ofl.
Nýja hótelið er yndislegt og er sko hótel (snobb snobb) þó svo að herbergið sé með því minna sem ég hef séð (lesist 10 fm) með þessu fínasta privat baðherbergi. Yndislega tæknilegt klósett með allskonast stillingum !!!! Ég er búin að stilla hitann sem ég vill hafa á setunni og .... já ég prófaði alla hina takkana líka, uhmmmm soldið spes say no more!!. Allavega, farin út í skoðunarferð og að leita að myndavélasnúru, ómögulegt að blogga án mynda. Blogga vel næstu daga. Ja-mata þangað til.
